Ayyoob 2
ayyoob par beemaaree ka hamlaa
1ek din farishte [a] lafzee tarjuma : allaah kay farzand. dubaara apnay aap ko rabb kay huzoor pesh karnay aaay. iblees bhee un kay darmiyaan maujood tha. 2rabb nay iblees say poochha, “too kahaan say aaya hai?” iblees nay javaab diya, “main duniya men idhar udhar ghoomta phirta raha.” 3rabb bola, “kya too nay meray banday ayyoob par tavajjuh dee? zameen par us jaisa koee aur naheen. vah beilzaam hai, vah seedhee raah par chalta, allaah ka khauf maanta aur har buraaee say door raheta hai. abhee tak vah apnay beilzaam kirdaar par qaaim hai haalaanki too nay mujhay usay bilaavajah tabaah karnay par uksaaya.”
4iblees nay javaab diya, “khaal ka badla khaal hee hota hai! insaan apnee jaan ko bachaanay kay liyay apna sab kuchh day deta hai. 5lekin vah kya karega agar too apna haath zara badha kar us ka jism [b] lafzee tarjuma : gosht-post aur haddiyaan. chhoo day? tab vah teray munh par hee tujh par laanat karega.”
6rabb nay iblees say kaha, “theek hai, vah teray haath men hai. lekin us kee jaan ko mat chhedna.” 7iblees rabb kay huzoor say chala gaya aur ayyoob ko sataanay laga. chaand say lay kar talvay tak ayyoob kay pooray jism par badtareen qism kay phoday nikal aaay. 8tab ayyoob raakh men baith gaya aur theekray say apnee jild ko khurachnay laga.
9us kee beevee bolee, “kya too ab tak apnay beilzaam kirdaar par qaaim hai? allaah par laanat karkay dam chhod day!” 10lekin us nay javaab diya, “too ahemaq aurat kee see baaten kar rahee hai. allaah kee taraf say bhalaaee to ham qabool kartay hain, to kya munaasib naheen ki us kay haath say museebat bhee qabool karen?” is saaray muaamalay men ayyoob nay apnay munh say gunaah na kiya.
ayyoob kay teen dost
11ayyoob kay teen dost thay. un kay naam ileefaz temaanee, bildad sookhee aur zoofar naamaatee thay. jab unhen ittila milee ki ayyoob par yah tamaam aafat a gaee hai to har ek apnay ghar say ravaana hua. unhon nay mil kar faisla kiya ki ikatthay afsos karnay aur ayyoob ko tasallee denay jaaengay. 12jab unhon nay door say apnee nazar utha kar ayyoob ko dekha to us kee itnee buree haalat thee ki vah pahechaana naheen jaata tha. tab vah zaar-o-qataar ronay lagay. apnay kapday phaad kar unhon nay apnay saron par khaak daalee. 13phir vah us kay saath zameen par baith gaay. saat din aur saat raat vah isee haalat men rahay. is pooray arsay men unhon nay ayyoob say ek bhee baat na kee, kyoonki unhon nay dekha ki vah shadeed dard ka shikaar hai.