Zaboor 148
aasmaan-o-zameen par allaah kee tamjeed
1rabb kee hamd ho! aasmaan say rabb kee sitaaish karo, bulandiyon par us kee tamjeed karo!
2ai us kay tamaam farishto, us kee hamd karo! ai us kay tamaam lashkro, us kee taareef karo!
3ai sooraj aur chaand, us kee hamd karo! ai tamaam chamakdaar sitaaro, us kee sitaaish karo!
4ai bulandtareen aasmaano aur aasmaan kay oopar kay paanee, us kee hamd karo!
5vah rabb kay naam kee sitaaish karen, kyoonki us nay farmaaya to vah vujood men aaay.
6us nay naaqaabil-ay-mansookh farmaan jaaree karkay unhen hamesha kay liyay qaaim kiya hai.
7ai samundar kay ajhdahaao aur tamaam gaheraaiyo, zameen say rabb kee tamjeed karo!
8ai aag, olo, barf, dhund aur us kay hukm par chalnay vaalee aandhiyo, us kee hamd karo!
9ai pahaado aur pahaadiyo, phaldaar darakhto aur tamaam deodaaro, us kee taareef karo!
10ai janglee jaanavro, maveeshiyo, rengnay vaalee makhlooqaat aur parando, us kee hamd karo!
11ai zameen kay baadshaaho aur tamaam qaumo, sardaaro aur zameen kay tamaam hukmraano, us kee tamjeed karo!
12ai naujvaano aur kunvaariyo, buzurgo aur bachcho, us kee hamd karo!
13sab rabb kay naam kee sitaaish karen, kyoonki sirf usee ka naam azeem hai, us kee azmat aasmaan-o-zameen say aala hai.
14us nay apnee qaum ko sarfaraaz karke [a] lafzee tarjuma : apnee qaum ka seeng buland karkay. apnay tamaam eemaandaaron kee shuharat badhaaee hai, yaanee israaeeliyon kee shuharat, us qaum kee jo us kay qareeb rahetee hai. rabb kee hamd ho