Zaboor 97
allaah kee saltanat par khushee
1rabb baadshaah hai! zameen jashn manaaay, saahilee ilaaqay door door tak khush hon.
2vah baadlon aur gaheray andheray say ghira raheta hai, raastee aur insaaf us kay takht kee bunyaad hain.
3aag us kay aagay aagay bhadak kar chaaron taraf us kay dushmanon ko bhasm kar detee hai.
4us kee kadaktee bijliyon nay duniya ko raushan kar diya to zameen yah dekh kar pech-o-taab khaanay lagee.
5rabb kay aagay aagay, haan pooree duniya kay maalik kay aagay aagay pahaad mom kee tarah pighal gaay.
6aasmaanon nay us kee raastee ka elaan kiya, aur tamaam qaumon nay us ka jalaal dekha.
7tamaam butparast, haan sab jo buton par fakhar kartay hain sharminda hon. ai tamaam maaboodo, usay sijda karo!
8koh-ay-siyyoon sun kar khush hua. ai rabb, teray faislon kay baais yahoodaah kee betiyaan [a] ek aur mumkina tarjuma : yahoodaah kee aabaadiyaan. baagh baagh hueen.
9kyoonki too ai rabb, pooree duniya par sab say aala hai, too tamaam maaboodon say sarbuland hai.
10tum jo rabb say muhabbat rakhtay ho, buraaee say nafrat karo! rabb apnay eemaandaaron kee jaan ko mahfooz rakhta hai, vah unhen bedeenon kay qabzay say chhudaata hai.
11raastbaaz kay liyay noor ka aur dil kay diyaanatdaaron kay liyay shaadmaanee ka beej boya gaya hai.
12ai raastbaazo, rabb say khush ho, us kay muqaddas naam kee sitaaish karo.